A Fundación Agroalimentaria de Galicia (FAGA) inicia próximamente novos cursos do plan formativo dirixido ao sector agroalimentario da provincia de Lugo posto en marcha co apoio da Deputación de Lugo e iniciado xa no exercicio 2024.
Desta programación 2024-2025 conformada por un total de 16 cursos, seis xa se impartiron o pasado ano. FAGA ven de abrir o prazo de inscrición das accións de 2025, dirixidas a grupos de entre 15 e 20 alumnos e totalmente gratuítas para o alumnado.
A duración de cada curso está comprendida entre as 10 e as 120 horas e a modalidade de impartición será mixta, cunha porcentaxe de impartición de contidos online, vía aula virtual, para facilitar a asistencia, e unha parte presencial para facilitar a adquisición de coñecemento de carácter máis práctico.
Impartirase formación básica para o sector como cursos de xestión comercial na industria agroalimentaria, xemelgos dixitais, dixitalización, carretillas elevadoras, microbioloxía dos alimentos, etiquetado de produtos alimenticios ou como emprender no sector, entroutros.
Aínda que a asistencia é libre, seleccionarase como alumnado primordialmente empresarios e traballadores de empresas do sector agroalimentario así como desempregados e emprendedores interesados en adquirir coñecementos para mellorar as súas opcións de acceso a un emprego ou autoemprego no sector.
Á finalización de cada acción formativa, expedirase ao alumnado que finalice título ou certificado de aproveitamento por parte dunha entidade formativa acreditada.
Inscrición
Para participar, é imprescindible inscribirse previamente e esperar confirmación de praza:
CURSO XESTIÓN COMERCIAL E MARKETING NA INDUSTRIA AGROALIMENTARIA | 120 H. | Do 11/08/2025 ao 26/09/2025
CURSO XEMELGO DIXITAIS NA INDUSTRIA 4.0 | 30 H. | Do 01/09/2025 ao 19/09/2025
CURSO CONDUCCIÓN DE CARRETILLAS ELEVADORAS | 20 H. | Do 08/09/2025 ao 19/09/2025
CURSO MICROBIOLOXÍA DOS ALIMENTOS | 70 H. | Do 22/09/2025 ao 24/10/2025
CURSO XESTIÓN DA DIXITALIZACIÓN NA INDUSTRIA AGROALIMENTARIA | 120 H. | Do 3/10/2025 ao 26/11/2025
CURSO IMPLANTACIÓN DE SISTEMAS DE CALIDADE ALIMENTARIA | 120 H. | Do 20/10/2025 ao 05/12/2025
CURSO FACTURA ELECTRÓNICA NA INDUSTRIA AGROALIMENTARIA | 80 H. | Do 27/10/2025 ao 21/11/2025
CURSO CONTROL E ANÁLISE DE ETIQUETADO DE PRODUCTOS ALIMENTICIOS | 30 H. | Do 03/11/2025 ao 21/11/2025
CURSO PROCESO DE EMPRENDER NA INDUSTRIA AGROALIMENTARIA | 90 H. | Do 10/11/2025 ao 19/12/2025
CURSO XESTIÓN DE ALÉRXENOS NA INDUSTRIA AGROLAIMENTARIA | 50 H. | Do 17/11/2025 ao 09/12/2025