FAGA presenta o seu proxecto piloto para granxas de caprino e ovino sostibles

Presentación de PRALEITE en Monforte

O Parador de Monforte de Lemos acolleu hoxe a presentación dun proxecto piloto para pécheo de ciclos produtivos en Galicia a través do aproveitamento de produtos cárnicos e lácteos de ovino e caprino, o Proxecto Ruminantes ou “ PRALEITE”.

O proxecto foi presentado no Foro “Nacer e Medrar”, organizado pola Fundación Agroalimentaria de Galicia ( FAGA) co apoio da Deputación Provincial de Lugo e a colaboración de Santander Agro para promover o networking e intercambio de iniciativas emprendedoras entre empresarios e outros axentes do sector agroalimentario.

Jaime López, como secretario da CEL e de FAGA, e José Tomei, como presidente da Deputación de Lugo, foron os encargados de presentar o Foro. Ambos coincidiron na necesidade de pechar ciclos produtivos no agroalimentario galego e no impacto que isto pode ter na loita contra o despoboamento. En palabras de Jaime López, “non nos queda máis remedio que mirar cara ao rural”, e de José Tomei, “producimos pero non transformamos, e iso é unha pena”; “temos unhas materias primas e uns produtos buenísimos, pero temos que traballar para que o valor engadido quede en Galicia”.

Os veterinarios e diplomados europeos en pequenos ruminantes, hoxe exercendo na Universidade de Zaragoza, José Mº González Sainz e Teresa Navarro Rodríguez, foron os encargados de realizar o estudo de campo en Galicia e desenvolver o proxecto Ruminantes ou PRALEITE (Proxecto piloto para a implantación de granxas de pequenos ruminantes de aptitude leiteira en zonas rurais do Sur da provincia de Lugo – PRALEITE, Pequenos Ruminantes Aptitude LEITE-).

González Sainz presentou “ Praleite” #ante unha vintena de persoas, entre as que se atopaban veterinarios, membros de OVICA e empresas transformadoras con interese na produción da tipoloxía de explotacións prevista no proxecto. Entre outros, estiveron presentes representantes de Naturleite, Subministracións Megaro Foods, Entrepinares ou Dayrlac.

Proxecto Ruminantes

O proxecto Ruminantes ou Praleite xorde “por iniciativa da propia industria”, segundo destacou o presidente de FAGA e CEO de Megaro Foods, Carlos Cebrián. “Non nace como un proxecto subvencionado, se non que somos as propias industrias as que temos interese na produción cárnica e láctea de explotacións de ovino e caprino, e iso garante a súa viabilidade”. “Este interese -subliña- é o que nos leva a buscar ferramentas como a constitución dunha Fundación e o estudo especializado dun modelo de explotación que sexa viable e sostible en Galicia”. Neste punto, na posta en marcha de FAGA e a realización do estudo contamos “co apoio da Deputación de Lugo”.

A realización do estudo supuxo a visita de explotacións gandeiras por todo Galicia, e especialmente no sur de Lugo pola dispoñibilidade de hectáreas, e a definición dun modelo de explotación de ovino e caprino, alternativa ao gando vacún, especialmente para produción e leite destes animais que nestes momentos practicamente non existe nesta Comunidade, aínda que se aproveitaría tamén a carne.

O fin de garantir a súa implantación a futuro, con viabilidade e a longo prazo, para o modelo de explotación definido en Praleite estudáronse a fondo esas tres vertentes, as necesidades de investimento e financiamento, número máximo de animais que poida atender en cada unha para garantir a conciliación laboral e familiar e evitar o abandono das novas xeracións destas explotacións, investigación e innovación, cocientes de rendibilidade e xeración de emprego, entre outros. Estúdiase agora a localización da primeira granxa deste tipo para comprobar os resultados do estudo e expandir o modelo por toda Galicia.

Produtores e empresas

No Foro tamén interviñeron, tras a presentación do proxecto, Luís Rivera e Miguel Viña, presidente e veterinario da Asociación de Criadores de Ovino e Caprino de Galicia ( OVICA) respectivamente, e representantes de Naturleite, Entrepinares, Subministracións Megaro Foods S.L., Santander Agro e a consultora de innovación Medrar.

Desde OVICA resaltaron que Praleite é un “proxecto ilusionante” porque “nace cunha base inicial moi forte, tanto polas posibilidades de financiamento e o interese da industria como por ter perfectamente estudadas cuestións relacionadas coa sanidade, a alimentación dos animais ou a propia conciliación dos gandeiros”.

Por parte das empresas destacouse, en todos os casos, o gran interese que existe na produción deste tipo de explotacións de poñerse en marcha, pois en moitos casos están a traer para transformar leite e carne de ovino e caprino de fóra. Precisamente este interese da industria, que garante a compra de toda a produción deste tipo de explotacións, “é unha garantía de éxito para o proxecto”, destacan desde FAGA.

4 thoughts on “FAGA presenta o seu proxecto piloto para granxas de caprino e ovino sostibles

  1. Tonic Greens says:

    Most of what you claim happens to be astonishingly legitimate and that makes me wonder why I hadn’t looked at this in this light previously. This particular article truly did switch the light on for me as far as this particular issue goes. However at this time there is 1 factor I am not really too comfy with and while I try to reconcile that with the core theme of the issue, let me see exactly what all the rest of the readers have to say.Very well done.

Deixa unha resposta

O teu enderezo electrónico non se publicará Os campos obrigatorios están marcados con *